Кој капацитет најмногу Ви се допаѓа

Developed in conjunction with Ext-Joom.com



logoscbt

Соопштенија

Почитувани,

Ни претставува задоволство да Ве информираме за големата реконструкција на Пливачкиот базен која што се одвиваше во текот на празниците, а која се однесуваше на санирање на кровната конструкција со што ќе се придонесе на подобрување на квалитетот на внатрешниот простор, но и поголема безбедност на сите посетители и корисници на услугите на базенот.

Пред реконструкција:

По реконструкција:

Понатаму извршена е реконструкција на електро инсталацијата и подобрено е осветлувањето во просториите во базенот. Направени се сите потребни зафати за подобрување на работата во машинскиот дел од базенот кој што воедно е срцето на истиот и е неопходно беспрекорно да функционира.

Исто така како нова содржина во склоп на базенот ќе фунционира и нова сауна каде што корисниците ќе имаат можност да се релаксираат и да уживаат во еден од најпознатите природни начини за подобрување на човековото здравје. Сауната ќе биде достапна за сите посетители со достапни цени за користење.

Воедно Ве информираме дека поради сложеноста и обемноста на работите кои што се изведуваат Vip БАЗЕНОТ ќе започне со работа на 22.01.2018 година.

Ве очекуваме.

Ваш,

СЦ БОРИС ТРАЈКОВСКИ

Денес во Скопје како визитинг тренер пристигна г-динот Антон Смирнов, повеќекратен шампион во уметничко лизгање на Руската Федерација и носител на повеќе медали на меѓународни и светски првенства.

Целта на оваа посета е унапредување на уметничкото лизгање во Р. Македонија и подготовка на нашите натпреварувачи за претстојниот ИСУ натпревар “Skate Helena 2018“.

Ова гостување се реализира како соработка на Федерацијата за лизгачки спортови на Македонија со Спортскиот Центар “Борис Трајковски“, а со поддршка на Македонскиот Олимписки Комитет.

https://en.wikipedia.org/wiki/Anton_Smirnov_(figure_skater)

Сезоната на Vip ЛИЗГАЛИШТЕТО ја започнавме со подобрени услови за тренинзи по уметничко лизгање и хокеј и со нов тренер од Белорусија Витали Лучанок (Vitaly Luchanok) кои што се надеваме ќе придонесат за подобар квалитет и подобри резултати во иднина и ќе го издигнат Уметничкото лизгање во Македонија на едно повисоко ниво.

По тој повод директорот на Спортскиот Центар “Борис Трајковски” г-динот Александар Петровски гостуваше во утринската програма “Македонија наутро” на Македонската Радио Телевизија, а пак наши гости на Vip ЛИЗГАЛИШТЕТО беа учениците од II4 одделение од О.У. “Јохан Х. Песталоци” кои што можеа да се запознаат со убавините на уметничкото лизгање  и хокејот кои што им ги презентираа нашите тренери.

Прилогот ќе можете да го погледнете на 02.01.2018 година во утринската програма “Македонија наутро” на Македонската Радио Телевизија.

Спортски Центар
БОРИС ТРАЈКОВСКИ

Меѓународниот натпревар “Novi Sad na Ledu” 2017 во Уметничко Лизгање, злато, сребро и две бронзи за Македонските лизгачи

На Меѓународниот натпревар “Novi Sad na Ledu” 2017 кој се оддржа на 24.12.2017 година во Нови Сад, во конкуренција од 50 натпреварувачи од Р.Србија, Р.Хрватска и Р.Македонија, Македонските натпреварувачи освоија:

Златен медал во категоријата Кадети А – мажи Јан Стојановски  и

Сребрен медал во категоријата Кадети А – жени Јана Куковска.

Две бронзени медали освоија и нашите натпреварувачки: Тина Вичишка и Снежана Тунеска во интерпретативните категории.

Ова е прв меѓународен натпревар сезонава, а истата ја стартувавме со нов тренер од Белорусија- Vitaly Luchanok. Со новиот врвен тренер, очекуваме подобрен квалитет во настапите и уште подобри резултати до крајот на сезоната, а и во иднина.

Оваа заложба и резултати им ја должиме пред се на спортистите кои во изминатиов период напорно работеа, но и на големата поддршка што како Федерација ја имаме од СЦ Борис Трајковски, Агенцијата за Млади и Спорт и Македонскиот Олимписки Комитет.

Директорот на Спортскиот Центар “Борис Трајковски” г-динот Александар Петровски денес им го честиташе успехот на натпреварувачите и им посака уште поголеми успеси.
Федерацијата за Лизгачки спортови и СЦ Борис Трајковски се сложија дека подобрените услови за тренинзи, новиот квалитет во тренерскиот кадар и посветеноста на натпреварувачите можат да го издигнат Уметничкото лизгање во Македонија на заслужениот Олимписки Спорт.

Претседател на Федерација за Лизгачки спортови на Македонија
Цветанка Макаровски

Денеска се потпиша договор за соработка помеѓу Центарот за едукација и менаџмент во спортот – ЦЕМС и Спортскиот Центар БОРИС ТРАЈКОВСКИ за унапредување на спортот и развој на идните спортисти. Планирани се многу стручни семинари, активности и конкретни настани во спортот наменети за клубовите, спортските работници и младите спортисти.